Azərbaycan Respublikasına Qayıdış Şəhadətnaməsinin verilmə qaydası

Qayıdış Şəhadətnaməsi (bundan sonra "Şəhadətnamə") - Səfirlik tərəfindən verilən və pasportu müvəqqəti əvəz edən giriş-çıxış sənədidir. Verildiyi tarixdən etibarlıq müddəti 1 ay olan bu sənəd yalnız Azərbaycana səfər etmək üçün etibarlıdır. Şəhadətnamə sahibinin digər ölkələrin ərazisindən tranzit keçmək hüququ vardır.

Şəhadətnamə Azərbaycan vətəndaşlarına aşağıdakı hallarda verilir:

• Pasportun etibarlıq müddəti bitdikdə və yaxud səhifələri dolduqda;
Şəhadətnamənin verilməsi üçün 5-10 gün vaxt tələb olunur.


• Xarici ölkə ərazisində pasport itirildikdə;
  Sorğunun cavablandırılmasından asılı olaraq 10 gündən 30 günə kimi vaxt tələb oluna bilər.
  
  
• Xarici ölkə ərazisində vətəndaşın 18 yaşı tamam olduqda;
Şəhadətnamənin verilməsi üçün 5-10 gün vaxt tələb olunur.


• Azərbaycan Respublikası ərazisinə deportasiya edilən vətəndaşın pasportu olmadıqda;
Şəhadətnamə yerli immiqrasiya xidməti orqanlarının müraciətinə əsasən rəsmiləşdirilir və şəxsin vətəndaşlıq mənsubiyyətinin müəyyənləşdirilməsi prosesindən asılı olaraq müəyyən vaxt tələb edir.